工業界議員林大輝（圖）噚日喺立法會，透過口頭質詢指好多政協、人大甚至行會成員，都未能喺facebook同特首梁振英成為朋友，問政府有冇評估過，咁做會否影響構建「香港營」？又寸CY突然開fb戶口，擺明係想連任，又質疑fb係咪有助特首選情？公民黨郭家麒亦問及，如何能成為CY嘅fb朋友，因為CY現時限制咗只有朋友才能留言。
代政府回應質詢嘅民政事務局局長劉江華，回應時多次讀稿，話CY會用不同方式同市民接觸，又自稱對未來特首冇乜資訊，講到唔知CY會否競逐連任咁款。大輝會後直指，劉江華根本冇答問題，之後會搵機會再問過；唔知下次劉江華會唔會有新穎答案？