香港福建社團聯會日前召開大會，向會員派發推薦嘅區選候選人名單。
除咗有兩名泛民中人離奇上榜，當中仲包括大量報稱獨立嘅人士，仲標明部份候選人係福建祖籍，好似競逐連任中西區西環選區嘅民建聯副主席張國鈞，就被標為「晉江女婿」；油尖旺奧運選區挑戰民主黨涂謹申嘅重慶市政協、報稱獨立嘅高曉榮，亦被括住係晉江人。
八方問涂謹申（圖），點睇佢對手獲福建社團力撐？佢笑笑口話自己都係正宗「福建女婿」。
原來阿涂嘅外父唔單止係福建人，仲要係聯會成員，唔知福建社團聯會，又會唔會支持呢位「鄉親」呢﹖而中西區西環候選人，仲包括民主黨莊榮輝。