香港保險業競爭一向都好大，想做大業務就點都要有一支精英團隊跑業績、照顧客戶，所以保險公司經常都各出奇謀搶agent，香港大都會人壽將會搞場鬥智鬥力嘅《Running Man》（RM），挑選最強agent！
香港大都會人壽行政總裁楊斌官曾訂下三年內聘請1,500名代理目標，喺各間保險公司都爭住搶人嘅情況下，大都會人壽首年成功招聘近500名代理，成績算唔錯。為咗積極吸「新血」，大都會人壽搞搞新意思，推出招聘活動「Go Goal Life」，吸引超過400位20至35歲參加者，入選者完成各項培訓後，仲有一系列嘅活動累積分數。
得分最高嗰六位勝出者將於明年中誕生，直接成為高級客戶經理同1萬元獎金，及免費機票往美國參與終極體驗！