古巨基於去年7月12日在拉斯維加斯跟助手陳英雪（Lorraine）結婚，他揀定今日光棍節假中環四季酒店補搞結婚酒會，據知基仔親自寫了首結婚進行曲送畀老婆，消息指好友欄王劉翔、周慧敏、古天樂、鄭伊健等到賀見證，昨日劉翔率先到港獲基仔夫婦接待。
昨午2時許，基仔等人坐七人車到達四季酒店，古太跟男友人先落車打點，她一支箭飆入酒店大堂避鏡頭，之後基仔和劉翔落車讓記者拍照，問到基仔心情如何？他說：「好輕鬆，我搵番老婆先。」不過，昨早8時許基仔在微博貼跑步機相，留言：「半夜才睡，卻一早乍醒，既然腦子停不下，不如也讓身體動一動。倒數一天了。」看來心情好緊張喎。
採訪、攝影：朱志聰、梁繼光
