【本報訊】為何大專畢業30多年後才進修博士學位？在大專任教的教協會長馮偉華指，博士學位是大專界的入場券，影響升遷，不少早年大專畢業並在學術界工作的人，均會兼讀海外的博士課程，一般需時3至7年才能完成，但指菲律賓的大學聲譽不佳，嚴謹的大學不會聘請持這類博士學位的「學者」。
菲律賓大學名聲不佳
馮偉華指，博士學位是學術界的基本要求，「你有咗呢張入場券，先有機會升做教授、升副校長」。他指入職學院後才補回學位的情況普遍，「尤其𠵱家膨脹咗，好多人都會一路做一路讀，多數去英國，因為香港嘅學額好少，等好多年都未必輪得到」。他指，若教員以兼讀方式修讀英國的博士學位，平均每年要留英1至2個月，在港進行研究工作，需要3至7年才能完成。
他指菲律賓大學在國際上名聲不佳，「質素冇乜保證，冇乜人會選擇，因為佢嗰邊買學位都好普遍，完全冇飛過去都可以攞到，你拎住個咁嘅學位，會俾人懷疑係買番嚟」。馮偉華指，稍為嚴謹的大學均不會接受持這類學位者的職位申請，「佢哋會好留意國際排名，英美嗰啲都公開，菲律賓連排名榜都未上，根本冇得比」。
■記者張嘉雯