「沽神」保爾森認真黑仔，佢揸嘅兩隻藥企股，先後俾沽空機構香櫞研究（Citron Research）唱淡。
Citron早前狙擊藥企Valeant，公司股價由8月高位跌咗七成。
Citron前日又發功，話藥企Mallinckrodt現價相對Valeant仲有好多下跌空間，搞到Mallinckrodt股價即日瀉17%。
呢隻藥企原來有好多大戶基金捧場，其中一位係沽神保爾森；截至今年中，佢透過Paulson & Co揸住659萬股，若然冇減持，單係周一，賬面就唔見6億元，最慘情係佢亦有揸900萬股Valeant。
其實保爾森今年先至改變策略，增持醫療保健股，估唔到揸住嘅兩隻藥股，先後俾沽空機構點中，佢真係要諗諗如何避免做「輸神」了。