【本報訊】香港國際機場無人駕駛列車昨午發生故障，東西行線列車服務全面停頓近4小時；其中一列車約50名乘客一度被困在無冷氣及照明的車廂中，半小時後才獲安排落車沿緊急通道返回月台。約200多名乘客受影響，其中9人趕不及登機，由航空公司緊急安排改乘其他班機離港。機管局指故障原因有待調查。
疑涉新客運廊試車
被困車廂的航空公司地勤羅小姐說：「架車差唔多到落車月台，突然好大力煞掣，好多人向前『樁』，之後廣播竟叫我哋自己出去，當行咗10幾步，有保安叫我哋返番入車廂，仲閂埋門，冇冷氣又熄晒燈，廣播話要緊急維修，叫我哋安心等候，但等咗半個鐘都未得，要我哋按緊急對話時，先至話可以畀我哋離開，當時大約有50個乘客，車廂好焗，好鼓譟。」
羅小姐不滿機場人員安排混亂，「其實今朝無人列車已經壞過6、7次，好彩次次都好快搞掂，今次仲要乘客行出嚟，太過份，Hold住啲客（咁耐），完全冇緊急（應變）點做！」羅又稱，據知今次列車故障與下月開啟的新拓建中場客運廊有關，「聽講係試車，因為開嗰條新路要列車試行吓，但冇理由囉，啲車通宵唔開，點解唔通宵去試，搞到完全失晒控」。
機管局發言人表示，昨午約4時，機場1號客運大樓的東西行多部無人駕駛列車服務，因故障暫停，至晚上7時35分恢復服務；約有200多名乘客受影響，其中9人錯過登機，由航空公司安排改乘其他航班。
故障原因有待調查。機管局並證實目前有相關試車工作，但未有正面回應是否與今次故障有關。
■記者鄧秋英