今期(11日)快活谷夜賽，編有兩場1800米賽事，捧騎師無辦法唔揀莫雷拉，他在今季六次列陣快活谷同程賽事，竟然能夠交出四勝一位一殿之驕人成績，證明佢跑長途的確特別拿手，今戰夥拍兩匹季內在谷草1800米贏過之「有智者」及「紫電明珠」上陣，可以信賴捧場。
第6場四班1800米的「有智者」，今季兩戰均在谷草1800米贏馬，轉投呂健威馬房後，表現可謂脫胎換骨，上仗負頂磅仍可以四身位之多拋離對手，蹄下敗將「精彩時機」再出已贏馬補中，可見水準高，升班少負11磅再戰，難有阻力，等番贏馬路程再上征途，有力締造三連勝。
至於第9場三班1800米的「紫電明珠」，堪稱新一代快活谷專家，至今六戰獲兩勝四位，當中兩次跑谷草1800米更加未逢敵手，回配人馬合作四次獲三冠一殿之莫雷拉上陣，只負117磅，有力挑戰任何對手。