立法會前日預咗討論八間大學管治問題，點知教育局局長吳克儉走咗去出席新加坡駐港領事館舉辦嘅活動，同班大學生吹水，立法會上嘅討論就派副局楊潤雄出席，議員決定「等埋局長」押後遲啲傾，點知吳得掂其後自稱，據去年一個統計，11場會「我係百分之百有出席」，好多時唔同議題就會搵唔同下屬出席。
立法會教育事務委員會主席林大輝（圖），噚日出嚟「澄清」，話按議題計，過去三個年度教委會一共傾105個議題，吳得掂出席僅52個，比率得49.5%咋，轟局長講嘢偏頗，冇反映事實嘅全部，力促吳得掂「切勿怠懶」。
局長新聞秘書反駁指事實勝於雄辯，稱局長對被誤解、甚或扭曲為「出席議案數目的出席率」感無奈。