【英超花絮】禮拜日利物浦喺晏菲路主場出擊鬥水晶宮，一心以為可以順利四連勝，仲吸引唔少名宿入場支持，除咗較常見嘅魯殊、麥阿里士打等，就連今季去咗美職聯搵食嘅「神奇隊長」謝拉特都係座上客。或者謝拉特效力嘅洛杉磯銀河，喺美職聯季後賽被淘汰，黑氣未除，做咗「黑腳」，令到高路普嘅不敗身亦被打破，之前傳謝四退休後返紅軍做助教，高路普會唔會打消呢個念頭呢？