拜仁前日喺德甲主場大勝史特加4:0，今季主場九場贏晒之餘，兼且八次贏盤，粉絲若然有長追呢隊德甲班霸，肯定贏到開巷。羅拔利雲度夫斯基（9號）同湯馬士梅拿呢場又入波，聯賽夾埋已經入咗25球，如果計埋德盃同歐聯，總數仲去到36球，可以話係現時歐洲最勁嘅進攻組合。同時，佢哋主席路明尼加表示，教練哥迪奧拿會唔會喺明年夏天約滿後繼續留隊，今年聖誕就知。