Jabra新返隻SPORT PACE真係相當具爭議性！話說佢個賣相，真係有幾分似Powerbeats2 Wireless，一樣入耳式設計、一樣運動藍牙無線耳機造型、一樣重低音偏向……我明！隻隻藍牙耳機都係差唔多樣，你可以話我多心。
話說腦場sales見新機落地，當然要攞畀記者試聽！首先利申，我不是金耳朵，不過論低音表現能力同整體聲底，兩隻耳機真係有八、九分相似，不過需明Powerbeats2 Wireless官價可是$1,798，但這款新返的SPORT PACE只要$799，感覺是相當跟風、「半抄少改款」之作。
我亦好明白有些人支持原創的心意，所以在這裏提提大家，如果想買Powerbeats2 Wireless的話，緊記要去Apple指定經銷商，因為在這裏購買有一年的保養，據知有些細舖是沒有這方面的服務，買之前問多聲穩陣。
記者：朱崇德