今時今日嘅湖人，真係同紫金王朝時代爭好遠，上周五作客另一支褪色球隊網隊，以104:98勝出，終於打開今季勝利之門，湖人巨星拜恩（Kobe Bryant、右）呢場都表現唔錯，取得18分三助攻三籃板。37歲嘅拜恩呢幾季都受到傷患困擾，好多人都預期佢打埋今季就退休，佢賽後就話：「我係湖人一員，終生都係，我唔會去其他地方打波。」似乎都有所暗示喎。