周日(8日)第十一場二班1600米，焦點相信會落在一對同程新勝馬「天才」和「縱橫大地」身上，但並不代表是單打獨鬥的局面，其他馬匹亦有一定威脅。
增程初跑田草1600米的「永同天下」就值得留意。雖然上季曾在跑馬地1650米落敗，但表現明顯不適應谷草環境，敗不足據。
「永同天下」父系為Perfectly Ready，同父來港馬如「喜喜寶」和「金滙龍華」等均為一哩專家，結合外祖父為有長力支持的Pins，現時踏入5歲，增程跑1600米才是最佳路程。上季曾負133磅，讓「詠彩繽紛」10磅之下，仍可入Ｑ，頭馬「詠彩繽紛」今季兩戰全勝，並攻陷1600米二級賽沙田錦標，加到121分，「永同天下」評82分冇可能已到盡頭。上仗季內初出，喺1400米追唔切只得季軍，一貫冇乜前速而後勁極之強橫，擺明跑長些少會更佳，熱身後操足個多月未停過，試埋大閘等今仗才復出，備戰非常有誠意，千祈唔好低估。
其他馬匹方面，除咗「天才」和「縱橫大地」近績出色不能放棄外，「期惑」喺外地最初贏2000米，上場在港亦於1800米跑第二，但隻馬在英國後期三勝俱是1600米，此程才最強，今仗跑短200米毫無難度，亦有力一爭。