近日屯門掃管笏有個山旮旯咁遠嘅大型新盤上載樓書兼開放樓盤模型畀人參觀。話說個樓盤好近哈羅國際學校，根據代理介紹，發展商會申請穿梭巴士去荃灣和屯門。事實上，唔少位置較偏僻的大型新盤都有同樣做法，一般都會由樓盤前往市中心或就近的港鐵站，為的是改善交通，增強賣點，穩住樓價。不過，業主和住戶都要留意，部份樓盤管理費會包括上網、穿梭巴士、會所設施使用費等。
近日大埔鳳園一個新盤即將入伙，該區的交通主要只依賴一條小巴與汀角路一帶的公共交通，配套未能應付交通需要。業主當然希望有穿梭巴士接駁港鐵站，改善交通兼提升身價，但營運鳳園至大埔墟港鐵站的小巴公司亦當然反對客源被分薄吧！
事實上，住戶要留意穿梭巴士如何收費。有些穿梭巴士以月費或每程收費的形式營運，按使用量收費，屬較公平的做法；但部份屋苑或會將穿梭巴士費用納入管理費之內，雖然穿梭巴士表面上不用另行收費，住戶亦可減少煩惱；但始終羊毛出在羊身上，假如每戶承擔相同份額的穿梭巴士費用，除了對較少使用穿梭巴士的住戶不夠公平之外，住戶將來要跟管理公司商議減費的時候，或會增添困難。
以往有屋苑管理費包含上網費用，局限了住戶必須選擇指定上網供應商；假如發展商為業主開設穿梭巴士，業主除了要留意繁複的招標程序或規矩外，還要留意管理公司會否將穿梭巴士費用納入管理費之內，令業主「未見官先被打五十大板」。
地產小子
http://propertykids.blogspot.hk/