梁詠琪（GiGi）昨日以慈善行大使身份在啟德出席「《蘋果日報》慈善基金20周年慈善行」活動，GiGi為了專心工作，所以沒帶9個月大愛女Sofia到場，不過她笑言現在全天候貼身照顧囡囡，能夠騰出時間實在難得：「因為囡囡好快大個，18歲就會拍拖，雖然𠵱家接少咗工作，但陪多啲佢係值得。」生完Sofia之後，GiGi身材還未回復到昔日最佳狀態，不過她已經考慮再生：「𠵱家最重要係身體要fit，我想生兩至三個小朋友。」
提到慈善工作，GiGi表示今次活動相當有意義，曾聽過一些獲「蘋果日報慈善基金」幫助的受助家庭故事，聽完之後情緒有點起伏也有點心噏，GiGi有感而發說：「表面上好似我畀鼓勵啲受助家庭，其實佢哋都鼓勵到我，每個人都遇過唔同大小風浪，甚至經歷過生離死別，受助家庭嘅小朋友好堅強、好乖，好慶幸佢哋能夠將自己嘅故事share畀大家，相反我嘅風浪就冇乜大不了。」
百日宴冇錢剩
GiGi本身都成立了教育基金，為小朋友助學，她謂不會以囡囡名義成立基金，但會以囡囡名義捐錢，她笑說：「佢啲利是錢都捐晒，同老公都有諗過幫囡囡搞個儲蓄戶口，因為之前搞百日宴，好多uncle、auntie封利是，不過佢都冇乜錢要用，所以捐晒去助學。」
採訪：譚倩宜
攝影：陳順禎
