平時行街唔少人「機不離手」，行行下就拎部手機出嚟，上網睇facebook、WhatsApp等，喺屋企閒時亦上網睇片、打online game，不過，許多村屋屋民都面對冇光纖到戶嘅問題，上網只係靠固網電話線系統，仲係「龜速」上網速度，更有周刊訪問過住喺元朗屏山嘅鄧達智，佢就話訊號好唔穩定，用電話4G嘅網絡，快過用屋企電郵send圖，網速係低至3Mbps至8Mbps!
昨日翁靜晶喺fb轉貼村屋上網慢嘅相關新聞，留言稱曾有電訊公司要求每戶夾錢鋪光纖：「康樂園上網，同樣龜速。電訊公司話：『康樂園屬於新界地方，鋪光纖要幾百萬工程費，須居民夾錢支付，每戶約繳一萬元！然而，電訊是公共服務機構，為人民提供生活所需，怎可以叫用家為它掏腰包付開路費？』」
Cut唔到有線嘅翁靜晶，家住大埔康樂園，原來佢除咗面對cut唔到有線嘅問題外，仲有上唔到網嘅問題，真陰公。