本周，網民最想惡搞「我們不是分手，是離婚」，將龍蝦套落關之琳頭上！
假如「換角」新聞屬實，匪夷所思的程度，應該會當選2015年A1頭條之冠。
試諗吓，龍蝦被心地善良但出掌毒辣的親生愛女當住記者面，狂星兩巴，凌晨時份，受此母親最痛的凌辱，有苦自己知。回到半山上亞厘畢道的大宅，個女塊鬼臉仍臭着，自己塊蝦面仍痛着，老公呢？個衰公做緊乜？翌日一早，記者追擊，個死佬無半句好說話安慰，還沉迷玩他媽的fb，在fb係咁po那些蘭花農務系列，攞景夾贈興！龍蝦都有蝦腸，都會忍唔住爆粗！
更甚者，隔多幾日，個fb中坑扮晒高手，係咁po錄影，今次玩錄狗！唉，他是成年人了，有無想過別人的感受！「有無諗吓我兩母女！叫隻狗sit，隻狗都唔睬佢！」如果禮賓府有偷錄裝置，一定錄到龍蝦一輪嘴D7689！
齊陰媽，關之琳做得到，你都無謂啞忍了，在689下次極大機會開機拍人裙底放上fb叫人share俾like前，光明正大斬纜吧。預祝離婚愉快，到時晚晚跟女兒去老蘭，各有各蒲，超爽。
解放龍蝦，係時候了，冇等上天堂啦。