今早（6日）沙田馬場舉行四組試閘，部份出試馬的馬主抽空到場睇馬，包括「愛美麗」的郭少明、「享耆成」的鄭錦鐘、「及時取勝」的蕭楚基等，不過全朝最受注目，一定係「老友記」馬主快靚團體成員陳志，他帶埋穿短裙的陳太出現，陳太樣子年輕標緻，而陳志則做湊仔公，手抱八個月的女兒，一家三口樂也融融。
未知是否陳志女兒太可愛，除了苗禮德、容天鵬、告東尼外，另一位練馬師向來好cool的蔡約翰，都罕有地在機坪主動向陳氏一家人握手打招呼，當蔡約翰見到小女孩時，更展示燦爛的笑容。陳志幽默地自嘲自己眼睛細小，幸而女兒遺傳太太的漂亮大眼睛。陳志更透露朋友正誠邀女兒拍廣告，而他正考慮中。
陳志表示另一匹愛駒「由心出發」上季兩捷後，6月右前腿受傷，右膝有已脫落的碎骨，一對膝部曾接受內窺鏡手術，需要時間康復，聽廄主苗禮德匯報，此馬今季最快要明年一月才可復出。
至於容天鵬馬房三班馬「老友記」，上月在港初出泥地1200米，放至末段力歇得第九，拼後雖如常力操，但陳志直言愛駒今課試閘走勢認真麻麻，又是有頭冇尾只得第五，試完更發出很大的喘氣聲，狀態仍是初起階段，可能要過四個月左右才再上陣。