【淡市搶客】
二手靜局難突破，地產代理要生存，去一手樓盤搶客在所難免。然而，近期主打的兩個屯門及將軍澳新盤合共有1,500多個單位，但要在近3.7萬名代理中突圍而出，所需要的運氣同中六合彩分別不大。
事實上，10月份二手住宅註冊量僅約2,000宗，是近20年以來單月最少。分析指，本月份估計將進一步下挫，有機會跌穿2,000宗水平，再創新低。因為發展商貼市價甚至平過市價推一手樓，吸納市場購買力，預期二手交投表現於短期內難有明顯改善。
企街撈客成功率降
有入行三年幾的前線代理指，二手根本無得做，返公司打電話都「無謂」，倒不如去新盤售樓處「博吓好過」，「好在近排天氣涼返多少，企街撈一手客，都無夏天咁攞命」，不過，撈到客參觀新盤的成功比例比之前更差，以前一日都可能都成功拉到客一、兩次，近期可能兩、三日先有一次，企街撈客的鐘數更加有增無減。
入行年資淺的難捱，年資高的主管一樣痛苦。有在新界西北龍頭大行打滾多年的代理主管指，一眾同事肯博都無用，現在索性清大假先去旅行，下年再算。不過，當下連一手樓都平過二手樓，推銷的時候都叫做多個籌碼，希望可以吸引部份換樓客，可能會心動想換下新樓。