栢芝呢期多咗喺香港，湊仔shopping被集郵，睇落都幾清閒，最鍾意落中環買嘢，前日去完中環ifc超市，仲有猛男陪買嘢，噚日佢就去咗置地，仲帶埋細仔Quintus去睇化妝品。
一身紅噹噹，遠遠都見到佢嘅栢芝，晚上7點20分左右同Quintus去到中環置地，一個箭步入咗去Harvey Nichols睇化妝品。同行五歲嘅Quintus唔見一排，高度已經去到媽媽條腰喇，不過黑眼圈好似大咗少少，眉宇間成個謝霆鋒咁。
舖頭細細但咁多記者喺度，難免有點混亂，故栢芝謂:「我唔睇喇，怕咗你哋，我企定定俾你哋影啦。」Quintus就挨喺媽媽腳邊。