【本報訊】沒有律師代表的盛品儒甫開庭便以聘請律師為由申請押後案件，讓他有公平及順利的審訊，哀求指「法官大人，好對唔住，我經驗不足」。但法官認為審訊已開始，「冇律師亦唔係今日嘅事」，拒絕其要求。盛其後在庭上蝦碌連連，不但沒準備文件，更一度欲步出法庭去廁所，遭法官制止。他在庭外一見葉家寶，即上前低聲說「輸咗九成」。
盛品儒昨盤問王維基時引述證人供詞，原告女大狀要求他指明出處，惟盛沒帶備法庭文件，但他指住原告女大狀枱上文件，並急切地表示「你直接畀我啦，嚟喇」。女大狀拒絕，改為借出備份文件。
欲離庭如廁被官制止
盛及後要求休庭3至5分鐘，讓他「諗一諗（問題）」，法官指「3至5分鐘我喺度等你喇」。盛聞言欲步出法庭，法官愕然地問「你去邊呀」，盛回應指去廁所，但法官拒絕：「我唔係畀你行開喎！」
至於作為首被告的亞視則連日來缺席聆訊，但原來亞視之前發出傳票傳召亞視前執行主席張永霖作供，張昨開庭前向書記查詢傳召證人程序，強調「星期三開審嗰日已經坐咗半日，我樂意做證人，但唔係日日咁坐」。書記向張解釋傳召證人是由亞視處理，與法庭無關，張指「佢（亞視）冇聯絡過我」，最後留下聯絡方法離去。
■記者楊思雅