【本報訊】執子之手，與子偕老，是空少Jerry（化名）的平凡願望。他今年38歲，自言早想安定下來，「買樓結婚，係順理成章」。兩年前，他趁伴侶到台北參加同志遊行後，在機場接機、求婚，二人在紐約註冊，無名指上從此多了一圈小玩意，「係藍寶石，因為我哋都鍾意藍」。
Jerry的丈夫是社運活躍分子、28歲的民陣發言人岑子杰（Jimmy），一個抨擊建制、抗拒婚姻制度的人，甚至對Jerry嚮往那種生活，嘲諷道「佢變態㗎！」孩子氣地說若非Jerry死纏爛打，才不願意結婚。Jimmy更定下三條不平等條約：「我同我啲ex（前度情人）一定藕斷絲連、你唔會比我嘅工作重要；同埋，我一定會去滾！」Jerry都一一接受，「佢好有正義感，講咗係咁就係咁，唔會假得去邊」。
出街憂惹麻煩不拖手
二人與彼此家人關係都很好，Jimmy笑言母親更疼錫Jerry。Jerry任職的公司在政策上對同志友善，同性伴侶可享與異性伴侶享同等福利。即使在職場、家庭獲接納，Jerry還是不敢在街上牽着Jimmy的手。「我成日要求拖手，係佢唔肯，擔心惹麻煩。一般人唔會因為有伴侶而有麻煩，同志卻會，咁本身就係一個問題。」Jimmy說。
Jerry坦言，社會上不友善眼光仍多，即使在有望通過多元成家法的台北，亦曾被嬸嬸質問「兩個男人牽甚麼手」。他嚮往所謂正常人生，選擇在機場求婚，就是因渴望獲世人的祝福，卻矛盾地擔心惹來反效果，「機場有全世界唔同文化嘅人，人哋比較易接受」。
既然懶理世間枷鎖，平權與否何干？Jimmy說：「每個人性格都唔同，有啲人比較strong；但好多人俾人鬧，係會退後，再鬧，再退。社會上有好多溫柔婉約可愛嘅同志，面對歧視唔敢出聲，受辱罵打壓時會躲在暗處發抖。」他中學時一位老師的同志身份，因周刊的獵奇式報道而曝光，遭校方辭退，無從在教育界立足。
他又指，亞洲鄰近國家內性小眾平權比香港先進，尼泊爾在公民證件及護照中落實加入第三性別；泰國也通過性傾向及性別認同的反歧視條例。香港卻無寸進，質疑就算立法會內有相關小組委員會，也是姿勢多於實際，「畀大家嗌交一年，（政府）就當做咗嘢，其實乜都冇做過」。
■記者朱雋穎