拍過《3D肉蒲團》等多套三級片的女演員兼人體模特兒、自揭曾與陌生男人在酒店玩SM的張淨思，早前自爆被李思捷帶返歸飲紅酒並被迫睇《今晚睇李》。李思捷一直未有正面回應事件，直至前晚他跟單立文（豹哥）為演唱會拍宣傳照時終於現身，但氣氛尷尬，擺出一副chok樣的李思捷戴黑超、環抱雙手態度傲慢，豹哥為怕場面冷清狂做獨腳戲，不停自問自答，又講有味笑話要老婆幫操把口，他說：「佢要鞭策我，用把口嚟幫我操囉。」
豹哥搶答護駕
如同紙板人的李思捷被記者追問SM女爆料一事，豹哥即擋駕說：「唔好介意咩SM、AM，佢都係人。我都拍過三級片，我都可以照結婚，唔會翻唔到身㗎！」最後，李思捷在訪問完結前拋下一句說：「女性係要尊重嘅，所以真係唔好講咁多。好多女性上過我屋企，逐個點名講就唔尊重，我媽教我嘅。」
採訪：羅慧敏
攝影：沈健程