謝四返嚟喇！前利物浦隊長謝拉特（圖）趁效力嘅洛杉磯銀河已經喺美職季出局，喺周三就飛返英格蘭，而且仲打算喺下周日利物浦迎戰水晶宮嘅英超，到晏菲路捧母會場㖭！咁謝四究竟會唔會返利物浦踢波呢？紅軍新帥高路普就話：「我同謝拉特聯絡過，佢真係好好人，我好歡迎佢隨時返嚟……練波，因為據我所知，佢同銀河嘅合約要至2016年11月先屆滿。」