特區政府噚日為「公務員事務局局長嘉許狀計劃」舉行頒獎禮，表揚84名獲獎公務員，佢哋分別來自33個局同部門、47個職系同57個職級。
公務員事務局局長張雲正話呀，計劃旨在激勵至少連續5年工作表現優秀嘅同事。
由於挑選過程嚴謹，每年只有約80個名額，競爭好激烈，爭崩頭。
為表揚更多公務員，局方決定由下年度起將名額增至100個，佢話近年市民期望提高，難免為公務員同事帶嚟壓力同考驗，勉勵同事緊守崗位，共建和諧社會。
如果特首梁振英要爭取連任，確實要畀多啲甜頭公務員，爭取吓公僕歡心；CY噚日亦有出席頒獎禮，同獲獎嘅公務員見面打氣。