耶倫（Yellen）喺澳洲巧威水呀，講緊嘅，唔係聯儲局主席耶倫，而係一隻叫做「Yellen」嘅馬仔。澳洲墨爾本噚日舉行馬圈盛事，喺費明頓馬場舉行橡樹日賽馬，首場賽事由一匹名為「Yellen」嘅熱門馬勝出。
今年4歲嘅Yellen狀態大勇，共有9次出賽經驗，由於佢對上一次出賽都跑出，外界對佢睇高一線，佢亦不負眾望，以大熱姿態贏出首場1,700米賽事，呢匹馬嘅馬主有超過10人，齊齊happy喇。
講番財經界熟識嘅耶倫，佢日前出席聽證會又話12月可能加息，究竟耶倫將會真係加息，抑或爆冷唔加息，真係難估過跑馬仔，都係叠埋心水等下月15號至16號聯儲局議息，睇耶倫點決定吧了。