渣打（2888）雖然受到業績差、供股、裁員等負面消息困擾，但有特色嘅節目都有keep住贊助，好似「渣打藝趣嘉年華」已經係第15年舉辦，將於本月14、15日繼續喺銅鑼灣舉行，今年特別在搵來銅鑼灣大業主希慎（014）合作參與14日嘅「夜光巡遊」。
希慎早於2013年跟渣打合作舉行藝趣嘉年華，當年希慎當作試水性質，今年再度合作，8個巨型夜光木偶嘅巡遊路線，主要圍繞希慎嘅物業，由利園一期行至希慎廣場，再原路折返。本周六（7日）傍晚6點半將會先有一場小規模嘅夜巡。
不過老實講，見到呢批夜光木偶，多少有啲萬聖節感覺，估唔到大會今年係以古典音樂與藝術做主題，靈感來自莫扎特嘅《魔笛》、高沙可夫嘅《天方夜譚》等，大家都要畀多啲想像力先得嘞。