有「美食聖經」之稱的《米芝蓮指南》今日公佈新名單。食肆獲米芝蓮光環後，大多受食客追捧。專賣自製中式點心的添好運，2010年首次成為米芝蓮一星餐廳後，數年來不斷獲殊榮，分店更擴展至東南亞，亦改變了老闆兼大廚麥桂培的人生。
中午時分，添好運深水埗店門外排滿茶客，記者好不容易擠進店內訪問老闆。經店員通傳，在蒸氣騰騰廚房走出來的正是培哥。他即席示範「拉腸粉」，「做腸粉呢，真正起嗰刻就最重要。」出身自四季酒店龍景軒，做點心的手藝毋庸置疑，親力親為態度更令人驚訝。
培哥坦言2010年得到米芝蓮一星，確令添好運增加極多客人，亦令他有信心開分店，「（衝）出海外，其實米芝蓮嘅幫助真係唔細，唔係鬼識你呀！」計及新加坡、台灣、越南、馬來西亞等地，東南亞分店已有超過10間，今年底更會進軍日、韓開分店。
拒搞fusion嫌「不倫不類」
雖然「山高皇帝遠」，亦曾有海外分店希望增設具當地特色的新式點心，但培哥堅持賣腸粉叉燒包等正統廣東點心，「嗰啲咩fusion菜，好容易出問題，不倫不類，我哋最緊要做好個品質就係新鮮熱辣辣。」
至於如何保持米芝蓮排名？「我都係做番自己。例如米芝蓮個評審係好鍾意fusion呢，咁我點去跟呀？」培哥謙稱，不知這個方向是否正確，但看到店內客人滿足的食相，應該已有答案，例如慕名而來的台灣遊客葉小姐，一落機就跟家人來嚐點心，「很值得來，最喜歡叉燒包。」
■記者潘敏庭