慕遜加柏周二喺歐聯D組賽迎戰祖雲達斯，先有法比安莊臣開紀錄，但祖記靠一個月前先做完心臟手術嘅列治史迪拿（中）半場追平1:1完場；慕軍四場只得兩分，成為今屆首支緣盡淘汰賽嘅球隊。另外，祖記前鋒艾華路莫拉達竟然着對波點襪出場，中途被球證睇到，要佢即刻出場換，賽後仲被教練艾基利鬧咗鑊。