林鄭一錘定音，「天堂已經預留了位置給我」。各界唔執輸，食口水尾，一齊延續，一路向西，西方極樂，等埋天堂。
港大12校委：「且慢，天堂很可能已經預留了暗角位置，收埋錄音機打算偷錄我們！今次唔落地獄都唔掂！HKU是Heaven Kill U，唔好等，快些地獄式投票吧！」
自認人到無求的高官×：「天堂有冇位？吓？要我去公廁先？係咪玩嘢呀，信唔信我去環球時報爆大鑊？」
民×聯：「阿婆，記得投我們一票，我們買晒天堂的靚位啦，派米派上去都得！係呀，搵順×速遞呀。噢，天堂係咪喺和合石？係……啩，總之認住件背心啦。」
龍蝦老公在fb晒命：「摑兩巴，濕碎啦。我學種米，阿女倒我米，我諗都係時候預訂個天堂私家位俾佢買醉。一帶一路，等她帶埋阿媽，走出去！」
釋智×：「天堂？林鄭信嗎？信就咪搞咁多嘢。咁膽大，做師姑更啱佢。」
影子團友：「呸！唔幫襯定點購物，送你上天堂！」