關之琳多次被傳與拍拖8年的台灣富商陳泰銘分手，當事人未及承認戀情，卻忽然自爆已離婚，如此戲劇性發展，圈中人大表驚訝。
莫文蔚：佢結咗婚咩？娛樂圈成日都有好多surprise，結婚係好私隱，你可以選擇講同唔講。
樂基兒：我都唔知佢結咗婚！結婚講唔講係佢哋自己選擇，冇話對與錯，個人如果唔鍾意講，都唔係好大件事。
吳綺莉：吓，離婚！佢結咗婚咩？呢個世界，真係人越大越無常喎！真係往往出人意表，匪夷所思，不過幾奇都會發生。
周汶錡：感情事係當事人最知道，作為朋友會支持，畀多啲空間佢哋，佢哋開心係最緊要囉！我唔知（結婚），都係啱啱先知。
馬詩慧：佢有結過婚咩？未聽過，咁得意，唔話畀人聽結婚，話畀人聽離婚，結婚未必天長地久，相處唔係容易嘅事。
林雅詩：聽到時好驚訝，面對婚姻問題係好辛苦同大壓力，包括我自己婚姻狀況都係未知之數。