周二歐聯C組賽事，艾斯坦拿（灰衫）喺主場爆冷守和馬德里體育會0:0，爆出5倍和波同12倍波膽，仲拎到喺歐聯史上第二分。兩個禮拜前，馬體會先炒艾斯坦拿四蛋，唔知係咪由西班牙飛去哈薩克太遠，成班兵都唔記得點入波。同組嘅賓菲加就以2:1擊敗加拉塔沙雷，以九分壓過七分嘅馬體會上榜首，好大機會出線16強。