立法會九龍東議員、有法律超人之稱嘅謝偉俊（圖），今屆區選「代妻出征」，喺灣仔樂活選區代白姐姐出戰。
法律超人話呀，自知係空降，所以早晚都落區爭取支持，希望承接到白姐姐嘅選票，原來佢仲有項拉票秘密武器，就係即將推出一款競選單張，獲21個立法會議員支持出戰。
而呢21個議員係唔包括民建聯、工聯會等建制議員，主要以功能組別議員為主，值得留意係，屬泛民陣營嘅衞生服務界立法會代表李國麟都支持喎。
謝偉俊嘅對手、社民連麥國風退休前係精神科護士，亦都做過衞生服務界立法會議員，同屬泛民陣營，李卻支持對家，認真剃眼眉。八方問過李國麟，佢話大家都係朋友，唔覺有乜問題，除謝偉俊外仲支持好多人，如果麥國風搵佢，一樣支持。樂活選區參選人仲有蕭思江。