【本報訊】一名影樓攝影師，疑受資金周轉問題困擾，昨晨在新蒲崗開設的影樓內燒炭自殺，並用手機將訊息及燒炭圖片傳給女友。女友連忙報警，警員趕至他自行開門，送院後無礙出院。與他合作過的藝人黃又南及蔣怡得悉事件，寄語事主珍惜生命。
獲救事主姓陳（40歲），洋名Ricky，有一名34歲姓林要好女友。陳早年在報章任職娛樂攝影記者，5年前自立門戶，與女友在大有街2號旺景工業大廈開設影樓，為雜誌拍攝封面人物照及平面廣告拍攝，亦曾與多名演藝人員合作拍攝廣告宣傳照。據悉，他近日受金錢困擾。
曾合作藝人籲珍惜生命
昨凌晨一時許，他買炭返影樓燒炭自殺。其間，他用手機拍下燒炭圖片及寫短訊傳給女友，女友看訊息後立即報警，並趕返影樓了解。警員到場陳自行開門及獲送院。
藝人黃又南及蔣怡均曾與陳合作，黃又南稱：「同呢位攝影師影過幾輯相，都想借呢個機會問候吓佢。錢同好多嘢冇咗都可以搵番，但生命冇咗唔可以再嚟過。自己都試過為錢煩惱（父親當年欠債），不過，過咗就冇事，要珍惜生命。」
蔣怡稱：「對上同佢合作唔係好耐，喺Ricky影樓影相，佢好有條理同準時，好專業，其實唔係好多人做得到。千祈唔好放棄繼續努力落去，一定有出路。希望佢快啲康復同振作番。」
■記者劉永明、唐家輝、黃江奇