中美抗日戰爭「飛虎隊」巡迴展，美仿製一比一嘅P40戰鷹式戰機（圖），原定噚日喺觀塘海濱公園公開展出，內地海關卻指主辦單位欠交文件，令戰績彪炳嘅「飛虎戰機」一度插翼難飛。
香港海關話，冇收到「飛虎戰機」來港消息，強調任何人士如欲進口或出口禁運物品，必須事前向有關嘅政府部門申領牌照、許可證或證明書，並須受有關條件規管。香港抗戰歷史研究會同八方講，已補交件畀內地海關，據聞噚晚終於抵港，相信好快可以同發燒友見面。
「飛虎戰機」巡迴展先後喺美國及內地多個城市展出後，計劃來港及台灣展出，詳情可睇睇香港抗戰歷史研究會網站 http://www.hkwhra.org 。