小米每次發佈新產品，尤其喺內地推旗艦手機時，都有大班「米粉」出現發佈會場，咿咿嘩嘩，吶喊助威。小米噚日去到馬來西亞推新產品，米粉規模就細好多，只得廿人，不過佢哋好sweet，幫剛過生日嘅小米靚仔副總裁Hugo Barra慶生。
Barra兩年前由Google過檔到小米，主要幫老闆雷軍開拓海外市場，仲改咗個好特別嘅中文名，叫「虎哥」。
佢今次去到馬來西亞推新產品，雖然現場只得廿名大馬米粉，但佢哋好有心，知道上月28日係Barra嘅39歲牛一，等到發佈會結束，就叫停Barra，一齊唱咗首生日歌，送上蛋糕，Barra亦即場着上米粉送上嘅馬拉傳統服裝。
Barra當然好開心，嚟個大合照係常識吧！估計呢次馬來西亞新機發佈會，對佢嚟佢應該幾難忘。