唔少管理層鍾意買番自己公司嘅產品，嘉里建設（683）主席黃小抗就係其中之一，仲賣埋獲利。新近佢沽出嘉里發展嘅淺水灣豪宅Belgravia一伙，賬面賺超過3,700萬元。
嘉里喺2009年推售淺水灣翻新豪宅Belgravia，當時係金融海嘯之後，經濟復原中，樓市氣氛一般，反而吸引嘉里高層買入呢個豪宅盤。
黃小抗2009年斥資3,614萬元，買入一個中低層單位，實用面積1,875平方呎。聽聞佢曾經出租單位，最近以7,380萬元賣出，賬面賺超過3,700萬元。
呢幢豪宅有唔少知名買家，黃小抗剛賣出呢個單位嘅樓上係由內地影帝陳道明持有，𠵱家租咗畀人作收租之用。而嘉里大股東郭鶴年嘅36歲細仔郭孔華，亦持有一個高層單位。