「Son姐，你好。我喺公司做維修經已做咗十幾年，底薪加OT都有坐底三萬一個月。近呢幾年我哋呢啲工種出邊都好渴市，最近有人投資開咗間新公司，重撬咗我哋公司啲人，我知我都幾受歡迎，嗰邊搵人探過我口風，但我想過咗年出埋花紅先。請問Son姐，我應如何開價？其實我𠵱家工作都幾愉快，本來諗住喺度做到退休，𠵱家幾十歲人先跳槽去第二間公司，值博率高唔高呢？」
你問我值博率高不高，坦白講，這是一個沒有人能給你答案的問題，因為這條數只有你自己一個人識計。一切只看你自己的心態及取態。不過畢竟你不是18、22的年輕人，跳錯槽大不了再跳過那麼簡單，有一個你要考慮的重點，是兩間公司的業務前景及穩定性，管理層的作風，當然還有同事的質素。這些都不是人工高能夠解決補救得來的關鍵性問題，你要冷靜好好分析想清楚。
若你要的是安穩，如你所言目前工作一切上了軌道駕輕就熟，你又做得開心，叠埋心水做到退休是很好的選擇。是甚麼誘因令到你對那份新工作感興趣？我相信是為了得到高一點的人工，所以你才問我應如何開價對嗎？你肯定知道世上沒有免費午餐，你人工要得幾高就知必定要付出更多。你年紀不輕，心中是否還有那團火及衝勁，重頭開始重新投入新工作再砌過？但極可能是你職涯中最後一個跳槽機會，錯失了你會不會後悔？
你不妨先表明等埋花紅出年才考慮跳槽，觀乎對方反應，就知究竟有幾想請到你。至於人工加幅，我不清楚你們行頭，就一般跳槽而言，沒有兩成或以上的話，說不上吸引。只要小心行事，先試試水溫，不妨！
張慧敏
http://www.facebook.com/HKcareerdoctor