港交所（388）早前以5.09億元，賣出自用嘅中環環球大廈17樓全層寫字樓，用緊呢層樓面嘅企業傳訊部與其他部門，明年3月就要搬走，佢哋呢排都搵緊同區寫字樓準備搬遷。
聽聞，港交所打算租用交易廣場1座24、25樓兩層，計過數發覺唔夠用，有意租埋23樓，如果落實，夾埋有3.9萬方呎樓面，較目前環球大廈寫字樓大一倍以上。
其實港交所喺交易廣場2座與國金1期都有辦公室，但呢兩幢大廈都冇吉位，港交所只好租其他大廈。若以交易廣場目前呎租120元計，港交所新辦公室嘅月租要468萬元，不過港交所之前賣寫字樓袋5億元，可以慢慢搣喇。