【本報訊】齊昕摑母引發社會議論，有研究青少年問題的學者讚梁太被摑亦沉着氣，臨場表現不錯。他認為梁振英應藉此向港人正面示範如何面對及克服家人有情緒病問題。
浸大社會工作系講師邵家臻認為送齊昕往外國接受治療是適合可行方案，但必須有足夠的支援網絡，如在當地有親友照顧，「如果情緒病係長期缺乏關愛而導致，當佢需要關愛時冇人去愛護，咁就變成被拋棄」。
邵稱讚梁唐青儀前晚臨場危機應變表現不錯，「（梁太）硬食兩巴，但佢冇發爛渣……如果同佢（齊昕）嘈，情緒只會不斷放大，你只能夠克制，作為母親見到嗰女咁樣，一定好心痛、勞氣同尷尬，但都要按捺住，我覺得呢個係幾叻」。
促特首示範如何克服
邵指情緒病並非一朝一夕可康復，家人要抱着長期作戰心態面對，而酒精及藥物會令病情惡化，所以勸喻情緒病患者應戒酒，保持情緒平穩。梁振英承認齊昕有情緒困擾，邵認為梁振英應藉此身教，正面示範如何面對及克服家人的情緒病，「第一家庭都有呢啲問題，證明無論有錢定冇錢都會有病」。
■記者謝明明