恭喜！恭喜！小保加喺周日阿甲聯憑住蒙遜一箭定江山，主場以1:0擊敗堤格雷，提早一輪成為聯賽冠軍；而全隊最開心嘅絕對係隊長泰維斯，皆因佢事隔超過10年、喺今年七月重返小保加就帶領球隊奪標，難怪佢賽後好激動咁話：「我好開心，我回歸就係想重溫呢個感覺！」今次已經係31歲嘅泰維斯職業生涯以嚟第八個各大聯賽錦標，佢又真係幾好腳頭喎。