【拆局】
港大申請的臨時禁制令限制範圍廣闊，惹來傳媒激烈反彈，有學者指港大就錄音外洩報警及申請禁制令等連串大動作，是企圖安撫校委，避免再有錄音流出。但撲火行動卻「過咗火位」，無異於向傳媒開新戰線，相信校方也始料不及。
學者指進退失據
中文大學政治與行政學系高級講師蔡子強指，港大校委會由報警到申請禁制令，反應很大，「其實報警作用係咪咁大呢？佢其實係想同校委交代，表現番校方好重視咁嘅事，擔心啲校委認為校方同發佈人有默契，甚至串通」。他認為現時正值任命新校委的時間，情況更複雜，「佢哋容唔容易請到人做都成問題」。
蔡子強認為港大校方疏忽了社會上其他持份者，「𠵱家引起媒體反彈，係意料之外，無端端開咗新戰線，對佢未必好事，佢可能有少少疲於奔命，撲熄咗校委嗰邊，又點燃咗媒體呢邊，分身不暇，進退失據」。
對於港大上周未有在新聞稿中提到「公眾領域豁免」的附帶條件，公民黨立法會議員毛孟靜批評校委會主席梁智鴻刻意誤導，做法卑劣，擔心商台把他主持會議的錄音播出，認為梁是借刀殺人、抹黑港大，又相信梁低估了外間反應。
■記者張嘉雯