前港腳歐陽耀冲為咗爭取更多出場機會，由葡甲嘅葡體會轉咗去葡乙洛里什足球會，周日仲即刻正選落場；着80號波衫嘅佢幫球隊以2:1擊敗Electrico，聯賽榜升咗上第五位。歐冲賽後喺facebook報喜，話轉會洛里什獲得教練信任，可以正選上陣兼幫到球隊贏波，希望下一場可以入埋波㖭，睇嚟佢對未來充滿希望！歐冲仲透露，下場會着番89號球衣出場。