【本報訊】特首夫人梁唐青儀前晚萬聖節被女兒梁齊昕當街連摑兩巴，齊昕更指唐青儀非其親母，轟動全城。梁太昨首度開腔承認齊昕飲醉酒，但相信她的行為並非想冒犯任何人，又稱齊昕是個善良又喜歡小動物的「細路女」，希望社會各界不要再追訪她，給予齊昕休養及空間。
記者：趙雅婷 謝明明
於前晚遭女兒掌摑的梁唐青儀昨如期出席一個學生頒獎禮，梁太不時展現笑容，但她在台上頒獎予得獎學生時，記者發現她一度眼紅紅。
儀式完畢後，大批記者追訪梁太被女兒掌摑是否感到心痛，原準備離開的她轉身開腔回應事件，稱齊昕與朋友當晚欲離開時被大批記者包圍，齊昕朋友致電她找的士接走他們，又指當時場面相當混亂，「有傳媒朋友拉開我車門想衝上我架車度，齊昕同佢嘅朋友想上車，你哋（傳媒）嘅朋友40、50人湧埋嚟圍住佢，中間過程有啲推撞，齊昕係好想保護佢朋友」。
CY拒回應齊昕「非親生」論
被追問被女兒掌摑感受，梁太承認齊昕飲醉酒，她哽咽地說：「佢嗰晚嘅行為，係無意、絕對無意、我深信佢係無意冒犯任何人。」她又聲稱聽不到齊昕當時有講粗口。她雙手合十稱，齊昕是個心地善良又喜歡小動物的「細路女」。
梁太又稱︰「我想講無論傳媒嘅朋友、甚至網上嘅朋友都好喇，你哋對𠵱家嘅現狀、對𠵱家嘅政制幾咁唔滿意都好，齊昕係無辜嘅，更加唔關佢朋友事。」她強調齊昕最需要時間休養及空間，希望社會界不要再追訪她出席私人活動。有記者追問齊昕指其並非親生母親，梁太面色一沉，並無回應就轉身離開。
至於父親梁振英，傍晚出席香港北京交流協進會成立典禮，在進場時被記者問到：「齊昕話唔係梁太親生，係咪真？」他未有回應。他在宣佈協進會成立後，未參與頒發委任狀及祝酒等儀式，就以公務原因提前離場。
梁齊昕昨未公開露面，她在昨日凌晨約2點半在Instagram轉發一張相，圖中有兩隻鹿被欄杆卡着，標題是：「when u and ur friend both fuxk up but at least ur in it together（當你同你嘅朋友倒楣時，至少你哋喺一齊）」，齊昕留言稱非常認同這句說話。