喺上周六嘅意甲榜首大戰，由文仙尼帶領嘅國際米蘭憑住加利美度喺31分鐘嘅入球，主場以1:0小勝羅馬，以11戰七勝三和一負得24分，以一分壓倒羅馬升上榜首。至於力爭衞冕嘅祖雲達斯，喺迎戰拖連奴嘅都靈打吡中，雖然有中場保羅普巴射入靚波領先，但之後被對手追和1:1，要直至90分鐘先由翼鋒古亞達度建功，以2:1險勝。