由任賢齊、黃家強、梁漢文及蘇永康（阿公）組成的男人幫，前日在台北舉行演唱會，4子為了今次演唱會事前努力瘦身，家強表示演唱時已感到胃痛：「我已經開始餓到有幻覺，睇到阿公好似睇到火腿咁，好想一口咬落去，見到Edmond（梁）拎歌詞file出嚟，以為佢叫外賣。不過仲未夠瘦，最少要餓多一個月，到紅館開騷就啱啱好。」
前日是梁漢文的農曆生日，兄弟於綵排時為他慶生，家強拿了忌廉朝他面上噴，梁漢文說：「佢哋知我鍾意食豬腳筋同鴨舌，特登搵人買齊嚟，真係好有心。」說到蔡依林南寧演唱會舞台出意外，男人幫明年也會準備內地巡迴，小齊認為毋須太擔心，現在已很專業。
撰文：炎炯炯