【租盤續增】
入伙盤殺到，租盤湧現！經濟學家關焯照表示，樓價跌勢已經形成，近年樓價升得過份，扯高租金，目前樓價下跌中，租金一定會拖住跌。當租盤供應陸續增加，租金受壓更大。「你見到𠵱家好多單位嘅業主為求盡快租出單位，都願意減少少租出去，因為租得出才有收入。以往業主會考慮等，等好價才租出，但市道唔好，等嘅耐性會無咗！」他認為，當租金下跌，回報率下調，勢將令樓價回落。
資深投資者林一鳴指，目前新盤每年落成量僅1萬多個，對比以往每年2萬個，供應量不算多。若以全港700萬人口、300多萬個家庭，現約140個私樓單位而言，每年新增1萬多個單位，真是好少！暫未見新盤租金回落，二手屋苑有零星平租成交。