劉鳴煒扮鬼嚇遊客

劉鳴煒扮鬼嚇遊客

【海洋公園】劉鑾雄(大劉)大仔劉鳴煒做咗海洋公園副主席,前日佢喺海洋公園哈囉喂戴住恐怖面具,周圍去嚇人,又撩小朋友玩,玩得不知幾咁開心,而沿途都有唔少遊客搵佢影合照,劉鳴煒都來者不拒,扮埋chok樣擺晒甫士,表現nice。另外,鄧浩光一家三口都有入場玩,唔知係咪有遊客搵佢影合照同驚影響屋企人玩,所以佢買咗個面具戴,不過就有職員溫馨提示佢,唔可以將個樣遮晒。
採訪、攝影:朱志聰、徐錦池