最近網上流傳10句會令新手爸爸傷心的說話，指媽媽常因衝口而出令爸爸不知所措。各位媽媽不妨參考一下，看看如何令老公享受成為湊仔公。
1.「星期六、日，BB交畀你啦！」
這句說話之所以會令爸爸難過，全因感覺「冇得揀」。假如媽媽換成詢問方式問爸爸：「你星期六、日有事忙嗎？可否幫忙照顧BB。」這樣爸爸就會覺得自己是被依賴而非被迫了。
2.「BB唔黐你……」
孩子出生初期，大部份生理需要源自媽媽，自然與媽媽比較親近。媽媽切忌因此指摘爸爸，令爸爸覺得自己一無是處。
3.「你唔好喺到阻手阻腳啦！」
通常媽媽在照顧孩子方面都比較熟手，有時新手爸爸想幫忙分擔，但一聽到這句話，便會有被嫌棄的感覺。
4.「你點解唔幫手？」
爸爸一聽到這句話，難免覺得十分無辜，因為爸爸可能因為無從入手，所以沒有行動。可能爸爸是等待媽媽的指令呢！
5.「你到底識唔識？可唔可以快啲！」
新手爸爸照顧孩子會因緊張而手忙腳亂，在學習途中被催促的話，會感到被數落。在這情況下，媽媽可以用建議的方式說：「你不如試下……」，讓爸爸跟從。
6.當爸爸要求親密接觸時，媽媽說：「BB喺隔籬呀！唔好嘈到BB！」
爸爸會覺得自己被忽略，感到沮喪。
7.「唔係啩？湊BB唔夠兩個鐘就搵救兵？」
新手爸爸不習慣照顧孩子，這樣會令他們感到很大壓力。
8.「你唔好亂出主意啦，平時邊個湊BB多呀？」
爸爸一番好意但被拒絕和否定，會使爸爸有挫敗感，覺得自己不被需要。
9.「唉！你睇下邊個邊個老公幾識湊仔。」
即使別人的老公真的是個稱職爸爸，但面對比較，新手爸爸也會覺得自己被貶低而傷心。
10.「我唔得閒同你講，我要去湊BB。」
新手爸爸會覺得被冷落，不被重視。媽媽可先給肯定爸爸，再解釋自己要先照顧孩子，不要一下子拒絕溝通。
資料及圖片來源：《育兒生活》官網 : http://www.mababy.com/
記者：陳曉欣